BAPTIST CHURCH
HKALUP HPUNG A MAKAM MASHAM
(Baptist Beliefs)
CHYUM LAIKA CHYU SHA
kam sham ai hte hkan sa galaw ai lam yawng a n pawt madung re nga ai [The Scripture is the sole norm of faith and practice]. CHYUM LAIKA chyu sha kam sham hkan sa na matu, hkum tsup ai Karai Kasang a Chyoipra Wenyi e shung ya ai hte ka da ai a hkrung nga ai mungga re. Dai majaw, CHYUM LAIKA gaw, daru magam hpung shingkang rawng ai hte, tsaw dik htum ai sharin shaga ya ai lam ni rawng ai laika re (Sh.k. 19:7-14. 119:105, Mt 4:4, 5:18, Mark 13:31; Luke 24:32; 2Tim 3:17; Heb. 4:12; Shingran 22:18-19).
KAM SHAM AI MASHA SHAGU
Hkinjawng re. Kam sham ai ni yawng Karai kasang hte adingtawk matut mahkai lu ai [Priesthood of all believers] (Mt. 27:51; 1 Pet. 2:9-10)
KAM SHAM AI NI CHYU SHA
HKALUP HKAM LA MAI AI. Madu Yesu Hkristu hpe hkyela Madu majing re, ngu nna myit masin mahkra hte chye na hkap la kam sham ai hte, tinang mara kaw na myit malai lu ai wa hpe chyu sha, hkalup jaw ya ai [Believer Baptism by Imersion] (Mt. 3:13-17; Yh 4:1; Kasa 8:35-38; Rom 6:4)
HKALUP HKAM LA SAI NI CHYU SHA
Karai Kasang a sharawng awng ai hpung masha majing tai lu ai (Mt 3:17; Kasa 2:41; Eph 4:3-6)
BUGA HPUNG A AWMDAWM AHKAW AHKANG
[Autonomy of Local Church]. Hkalup hpung hpe lam woi uphkang ai lai gaw hpung masha yawng myit hkrum shang lawm ai (Congregational Polity) lai masa re ai. Lachyum gaw, hpung a ningbaw ningla ni hpe dai hpung a hpung shawa masha ni lata san ai, hpung hte seng ai uphkang lam, sasana magam bungli lam, shawng lam myit shingran masing, lam ni hpe hpung shawa yawng shang lawm myit hkrum daw dan ai lam galaw ai. Hpung shawa yawng malawng maga myit hkrum ai hte shagrin la ai. Hpung shawa yawng hta ahkang aya nga ai hpe kam ai (Gal 5:1; 1 Pet 2:16-17)
NAWKU HPUNG hte MUNG UP HKANG LAM
KAGA GA rai na [Speration of Church and State]. Nawku hpung woi awn lam hte mungkan mungdan up hkang masa lam gaw, kaga san san rai nga ai. N mai kayau achya ai. Raitim, hpung masha ni gaw, tinang hpe Chyoipra Wenyi lam woi matsun madun ai hte maren, mungkan a jum zawn, ninghtoi zawn tai let, ndai mungkan tengman rap-ra, simsa ngwi pyaw galu kaba wa hkra gunhpai shakut shaja na lit nga nga ai (Mt 22:17-21; Yh 8:23; Rom 13:1-4, 6-7; Mt 5:13-16).
